Center Image
IHSAN.KZ
Қырғызстанда ұшақ тура ауылдың үстіне құлады (фото, видео)
Қырғызстанда ұшақ тура ауылдың үстіне құлады (фото, видео)

Қырғызстанда Turkish Airlines әуе компаниясының Boeing 747 жүк таситын ұшағы тура ауылдың үстіне құлаған. 

Бұл туралы “Кабар” хабарлайды.

Алдын-ала деректер бойынша, төтенше оқиға салдарынан Дача-Суу ауылындағы 15-ке жуық үй қирап, 30-дан астам адам көз жұмған. Төтенше жағдай қызметкерлері ұшақтың жалыны жайылып кетпей тұрып, сөндіріп үлгерген.

Қырғызстан Денсаулық сақтау министрлігінің мәліметінше, сегіз адам ауруханаға жатқызылған. Олардың алтауы балалар. Барлығының жарақаты ауыр. Сондай-ақ министрлік қаза тапқандар мен жараланғандар туралы нақты ақпаратты әлі жария етпеді.

Гонконг әуежайынан ұшып шыққан ұшақ таңғы 4:31 шамасында ел астанасындағы Манас әуежайына қонар алдында апатқа ұшырап отыр.

Батыстан шығысқа қарай қонбақшы болған лайнер сәтті қону процесін жүзеге асыра алмай, екінші айналымға кеткен.

Оқиға орынына үкімет басшысы Сооронбай Жээнбеков, төтенше жағдайлар министрі Құбатбек Боронов, транспорт және жол министрі Жамшитбек Қалиловтер жедел түрде жетті.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz