Ғаним әл-Мүфтах есімді 15 жастағы катарлық бозбала сирек кездесетін дерттен денесінің жартысынан айырылып қалған. Оның қасиетті Қағбаны тәуеп етіп жүргені таспаға тартылып қалған екен. Ол мүмкіндігі шектеулі жандарға арналған арбаны пайдаланбай-ақ, қолымен жер тіреп жүріп, тәу етті. Оның ұмраға сапарын туризм және ұлттық мұра жөніндегі саудиялық комиссия басқармасының төрағасы, ханзада Сұлтан бин Салман ұйымдастырып берген еді. "Алла менің дұғамды қабыл алды. Мен Ұмраға келіп, Қағбаны тәуеп еттім",- деді ағынан ақтарылған Ганим.