АСТАНА. ҚазАқпарат - Америкалық зерттеушілер біздің ғаламшарымызда жетеу емес, сегіз құрлық бар деген байламға келді. Соңғы зерттеулерге сүйене отырып, ғалымдар Зеландияны құрлықтар тізіміне енгізу керектігін мәлімдеді. Зерттеушілердің айтуынша, оның құрамына Жаңа Зеландия да, Жаңа Каледония да кіреді. Бұл екі арал да бір құрлық тақтасында орналасқан. "Актуальные новости" порталы жазғандай, көптеген сарапшылар бұл аралдардың аталмыш құрлықтың жеке бөлігі екендігін алға тартып, Зеландияны құрлықтар қатарына енгізуге бұрын да шақырған екен.