Center Image
IHSAN.KZ
Қарағанды облыстық орталық мешіт ұжымы ауруханада жатқан нәзік жандыларды зиарат етіп, мерекемен құттықтады (фото)
Қарағанды облыстық орталық мешіт ұжымы ауруханада жатқан нәзік жандыларды зиарат етіп, мерекемен құттықтады (фото)

Облыстық медецина орталығында өзінің сырқатымен күресіп жатқан нәзік жандылар жетерлік. Бірі аяулы ана, бірі ардақты келін, енді бірі қаракөз асыл қарындасымыз. Осындай ардақты жандардың көңіліне медеу болып, жұбаныш сыйлауды, қуаныш сыйлауды мұсылман халқы міндет деп біледі. Қазақта "әйел бір қолымен әлемді тербетсе, бір қолымен бесікті тербетеді",- деген бекер айтылмаса керек. Осы орайда Қарағанды облыстық орталық мешіттің өкіл имамы Өмірзақ қажы Бекқожа бастаған мешіт қызметкерлері игі іс атқарып, нәзік жандыларға қуаныш сыйлап,  гүл шоқтары мен мерекелік  сыйлықтар тарту етті. Көктемнің осы бір айтулы мерекесі аурухананың ішіне мерекелік көңіл күй сыйлағандай. Барлығының жүзінде жұбаныш пен қуаныш. Әр палата бөліміне кіріп өзінің ізгі тілегімен батасын берген бас имам Өмірзақ қажы Бекқожа да бос қайтпай, аурухана қызметкерлері мен емделушілердің  үлкен алғыс-тілектерін арқалап қайтты. Соңында Қарағанды облыстық медецина орталығында ақ халатты абзал жандар алақан жайып, бас имам Құран оқыды. 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz