Center Image
IHSAN.KZ
АСТАНА ӘКІМІ ҚМДБ ТӨРАҒАСЫНА ҚҰТТЫҚТАУ ХАТ ЖОЛДАДЫ
АСТАНА ӘКІМІ ҚМДБ ТӨРАҒАСЫНА ҚҰТТЫҚТАУ ХАТ ЖОЛДАДЫ

Астана қаласының әкімі Әсет Исекешев Серікбай қажы Ораздың Бас мүфти лауазымына сайлануымен құттықтап, арнайы хат жолдады.

«Құрметті Серікбай қажы Сатыбалдыұлы! Сізді Қазақстан мұсылмандары діни басқармасының төрағасы – Бас мүфти лауазымына сайлануыңызбен шын жүректен құттықтаймын! Өзіңізге берілген бұл мәртебелі міндет ұзақ жылдар бойы елдегі діни ахуалды жақсарту, халқымыздың төл руханияты – Ислам дінін насихаттау және оны орнықтыру бағытында атқарған қажырлы еңбегіңіздің еленуі деп білеміз. Сіз наиб мүфти және Астанадағы «Әзірет Сұлтан» мешітінің бас имамы ретінде еліміз бен Елордамызда көптеген рухани-тәлімді өзгерістердің бастамашысы бола білдіңіз. Алдағы уақытта да діни ахуалды жақсарту және азаматтарымыздың бойында адамгершілік құндылықтарын қалыптастыру бағытында табысты еңбек етіп, Өзіңізге жүктелген міндет жүгін абыроймен арқалап, биік белестерден көріне бергейсіз. Сізге зор денсаулық, қажымас қайрат, жаңа қызметіңізге толағай табыс тілеймін!» – делінген құттықтау хатта.

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz