Қазақстан Мұсылмандары Діни Басқармасының төрағасы, бас мүфтидің тапсырмасы бойынша Қарағанды облыстық "Әнет баба" мешітіне Қазақстан Мұсылмандары Діни Басқармасының аппарат басшысы Ғылымбек Мәжиев мыржа және Қазақстан Мұсылмандары діни Басқармасының "Мешіт істері" бөлімінің меңгерушісі Бекжігітов Жанділдә мырза арнайы іс сапармен келді. Қарағанды облысының өкіл имамы Өмірзақ қажы Бекқожа келген  қонақтарды "Әнет баба" мешітінің тыныс тіршілігімен таныстырды. Сондай ақ, Қарағанды облыстық "Әнет баба" мешітінің жанындағы Олжас Есенұлы атындағы діни сауат ашу орталығында қонақта болып, білім ғимаратының білім сапасын өз көздерімен көріп қайтты. Діни білім ғимаратында шәкірттерге білім нұрын сеуіп жатқан ұстаздармен танысты. Діни басқарманың мұндай тапсырманы жүктеудегі басты мақсаты аймақтағы діни ахуалдың  жағдайын байқап, назарға алу дейді келген қонақтар.