Center Image
IHSAN.KZ
БАС МҮФТИ ШЫМКЕНТТЕ ТАРИХИ МЕШІТТЕРДІ АРАЛАДЫ (ФОТО)
БАС МҮФТИ ШЫМКЕНТТЕ ТАРИХИ МЕШІТТЕРДІ АРАЛАДЫ (ФОТО)

Қазақстан мұсылмандары діни басқармасының төрағасы Серікбай қажы Ораз Түркістан облысында орналасқан тарихи көне мешіттерді аралап, дін қызметкерлерінің жұмысымен танысты.

ҚМДБ Төрағасы Серікбай Сатыбалдыұлы имам-молдаларға мүфтият қабылдаған мешіттің ішкі тәртіп ережесін сақтауды, қадағалауды тапсырды. Сонымен қатар, мешітке келуші жамағатты әрдайым бірлік пен ізгілікке үндеп, имандылыққа ұйыту қажеттігін атап өтті.

Серікбай қажы Ораздың айтуынша, көне мешіттердің тарихымен танысуға ниет білдірген азаматтарға сәйкесінше толыққанды ақпарат берілу керек. Бас мүфти бұл бағытта кәсіби тарихшы мамандарды қызметке жұмылдыру мәселесін сөз етті.

«Түркістан – тарих пен дәстүрге бай өлке. Сонау ықылым заманнан бой көтерген тарихи мешіттер мен рухани жәдігерлер – халқымыздың сарқылмас қазынасы. Рухани қазынамызды келер ұрпаққа насихаттап, жеткізу – баршамыздың асыл міндетіміз. Осы бағытта белсенді қызмет етуіміз керек»,  – деп атап өтті Серікбай қажы Сатыбалдыұлы.

Кездесу соңында Бас мүфти өңірдегі дін қызметкерлеріне нақты тапсырмалар берді.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz