Center Image
IHSAN.KZ
ҚМДБ ТӨРАҒАСЫ КАИРДЕ ЕЛШІМЕН КЕЗДЕСТІ (ФОТО)
ҚМДБ ТӨРАҒАСЫ КАИРДЕ ЕЛШІМЕН КЕЗДЕСТІ (ФОТО)

Бас мүфти Серікбай қажы Ораз Египет Араб Республикасына жасаған ресми сапары аясында еліміздің Египеттегі Төтенше және Өкілетті елшісі Арман Исағалиевпен кездесті.

Кездесу барысында екі елдің рухани, мәдени, білім саласындағы қарым-қатынасы сөз болды. Сонымен қатар Мысырда оқып жүрген Қазақстан азаматтары жайлы, олардың тыныс-тіршілігі, білімі туралы әңгімеленді. Арман Қайратұлы елшілік тарапынан Қазақстан азаматтарына қолдау көрсетіліп жатқанын жеткізді.

Өз кезегінде Бас мүфти Серікбай қажы Сатыбалдыұлы Кирдегі әйгілі әл-Азһар университеті, мүфтияты мен ҚМДБ арасында қабылданған меморандум аясында жүзеге асып жатқан бірлескен жобалар мен бастамаларды атап өтті.

Кездесу соңында тараптар жоғары білікті діни маман дайындау бағытындағы іс-шараларды бірлесе атқаруға уағдаласты.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz