Center Image
IHSAN.KZ
«Нұр-Мүбәрак» шәкірттері Бас мешітпен танысып қайтты (ФОТО)
«Нұр-Мүбәрак» шәкірттері Бас мешітпен танысып қайтты (ФОТО)

Еліміздің іргелі діни оқу ордасы «Нұр-Мүбәрак» университетінің шәкірттері өткен аптада Астана қаласындағы республикалық «Әзірет Сұлтан» мешітіне ат басын тіреп, құлшылық ордасымен танысып қайтты. Еліміздің Бас мешітін арнайы зиярат етіп қайтқан дін жолындағы шәкірттер құлшылық ордасының тыныс-тіршілігінен хабардар болып, тәжірибе ұштай түсті.

Күні ертең еліміздің дін саласында қарымды еңбек етіп, қалың жұртшылықтың рухани қажетіне жарауға бел буған шәкірттер үшін бұл сапардың мән-маңызы айрықша болғаны сөзсіз. Университет қабырғасынан түлеп ұшқалы отырған олар үшін ҚМДБ Аппарат басшысы Ғилымбек Мәжиевпен өткен кездесудің тіптен орны бөлек болды. Асыл дініміздің жолында халыққа қалтқысыз қызмет жасаудың қиындығы мен машақатын, имам мен ұстаз деген абыройлы аттың ауырлығы жайында айтып өткен Аппарат басшысы болашақ мамандарға ізгі тілегін айтып, тәжірибе-кеңестерімен бөлісті.

Кездесуден соң «Нұр-Мүбәрак» шәкірттеріне арнайы дастархан жайылып, мешіт қызметкерлерімен емін-еркін әңгіме желісі өрбіді. Ағалық ақыл айтылып, жауапты да сауапты қызмет жайында көзімен көріп, көңілге ой түйген шәкірттер үшін бұл күннің санада сақталып қалары анық.

 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz