Center Image
IHSAN.KZ
XIX ғасыр мешіті ашылды
XIX ғасыр мешіті ашылды

Солтүстік Осетияның Эльхотово елдімекенінде XIX ғасырда салынған мешіт қайта жөндеуден өтті, деп хабарлайды Интерфакс.

Аймақ басшысының баспасөз қызметі жетекшісі Вячеслав Битаровтың хабарлауынша, ғибадатхана «халықтар бірлігіне, ғасырлық дәстүрлер мен руханияттың жаңғыруына» ықпалдасатын болады.

«Эльхотово ауылының жаңарған көне мешіті туған жеріміздің тыныштығына кепіл болып, халықтар бірлігінің, руханияттың, сан ғасырлық дәстүрлер жалғастығының негізіне айналып, ұлтаралық және конфессияаралық араздықтың алдын алады деп ойлаймыз. Біз мешітке қарап құрылысшылардың, сәулетшілер мен суретшілердің ғибадат үйін көркемдеуге күш салғанына куә болдық» дейді В.Битаров.

Эльхотово мешіті 1899 жылы салынған. Екінші дүниежүзілік соғыс кезінде ғибадатхана толықтай қираған. Көне мешіт мұсылман жамағаты мен кәсіпкерлердің қолдауымен қайта қалпына келтірілді.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz