Center Image
IHSAN.KZ
Қала имамы "Шапағат" медальімен марапатталды
Қала имамы "Шапағат" медальімен марапатталды

Тәуелсіздік күні мерекесіне орай қаламыздағы "Балақажы" мешітінде көп жылдардан бері еңбек етіп келе жатқан имам Нуров Махмуд қажы мемлекет тарапынан «Шапағат» медальімен марапатталды. Қоғамда ізгі істерімен құрметке ие болған имамды Қарағанды облысының бас имамы Өмірзақ қажы Қазкенұлы жеке қабылдап, мұсылман қауымының атынан құттықтап, өкілдік тарапынан алғыс хат табыстады. Мемлекетіміздің асыл дініміздің дамуына көрсетіп отырған қолдауы және діни істерді өрістету турасында өзара сұхбат жасалды. Осынау марапатпен құттықтай отырып берілген алғыс хатта: "Тәуелсіздігіміздің тұғырлы белестерінде, діни салада жеткен жетістіктерімізде Сіздің белсенді қызметтеріңіз бен ізгі іс-шараларыңыздың қолтаңбасы жатыр. Ұлтымызды имандылыққа ұйытып, халқымызды игілікке бастап, асыл дініміздің абыройын асқақтатқан дін жолындағы қажырлы қызметіңіз үшін Сізге айрықша алғысымды білдіремін. Алла тағаладан деніңізге саулық, отбасыңызға амандық, сауапты қызметіңізге абырой мен береке тілеймін." -делінген.

                                                                                                


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz