Асыл дініміз үшін күн түн демей еңбек етіп жүрген дін қызметкерлерінің еңбегі ерен. Әсіресе, қасиетті Рамазан айында игі шаралар мен қайырымдылық жобаларын жоғары деңгейде жүзеге асырып, берекелі істің басы қасында жүрген дін жанашырларының атқарған істері ауқымды. Қасиетті жұма күні  Қарағанды қалалық «Әл-Машани» мешітінде Рамазан айында қайрымдылық шараларына және ұйымдастыру жұмыстарына ерекше ат салысқан мешіт наиб имамдары Мейірбекұлы Бауыржан мен Тусупбеков Ерланға ҚМДБ-ның Қарағанды облысы бойынша бас имамы Өмірзақ қажы Казкенұлы арнайы алғыс хатын табыстап, Өзінің ризашылығын білдірді. Сондай ақ, аты аталған екі наиб имамға 200 000 тг және мешіт операторы Кенжебек Бекзатқа 150 000 тг қаржылай сыйақы беріліп, еңбектері еленді.