ҚМДБ-ның Қарағанды облысына қарасты «Зекет және қайырымдылық» қорының ұйымдастыруымен кезекті қайырымдылық шарасы жүзеге асты. Игі шара Қарағанды облыстық «Әнет баба» мешітінде өтті.  Шара барысында облыстық «Әнет баба» мешітінің ауласына тазалық жұмыстары мен шаруашылық қызметін атқарып жүрген қызметкерлерге азық-түлік үлестірілді.
Осы қайырымды істің жүзеге асып, жоғары деңгейде өтуіне ат салысып, істің басы-қасында жүрген «Зекет және қайырымдылық» қорының облысымыз бойынша өкілі Джаримбетов Мұхит шара барысында өзінің уағыз-насихатын айтып, игі қызмет жолында аянбай еңбек етіп жүрген жандарға алғысын білдірді. 

ҚМДБ-ның Қарағанды облысы бойынша баспасөз қызметі