«Дедов» және «№1 мясокомбинат» ет өндіру цехы ҚМДБ-ға қарасты «Халал Даму» ЖШС-нің арнайы талаптары бойынша қызмет ету үшін құжат рәсімдеп, мамандардың тексерісінен өтті.
Тексеріс жұмыстарының барысында екі цехтың да барлық өнімдерін, қоспалары мен құрал жабдықтарын, касапшыларының «Малды шариғат талабына сай сою»  бойынша өткен семинар-тренингтеріне қатысқанын дәлелдейтін сертификаттарын тексерді. 
Мекемелердің шұжықтары арнайы зертханаға жіберіліп, сараптамадан өткеннен соң, арнайы сертификат табысталатын болады. 
Осы орайда, Халал Даму ЖШС – ның мамандары өз тараптарынан екі мекемеге қасиетті дініміздің талаптарына сай халыққа қалтқысыз ақ-адал қызмет көрсетуіне тілек білдірді.