Қарағанды облыстық Әнет баба мешітінде өтетін құлшылыққа толы берекелі түнді түсіруге өңірдегі «5 арна»,  «1 Қарағанды», «Сарыарқа» телеарналарынан арнайы келген түсірілім тобы келді. Облыс бас имамы Өмірзақ қажы Қазкенұлы БАҚ өкілдеріне сұхбат беріп, бүгінгі рухани кештен хабар берді. Сондай - ақ, жергілікті жамағаттан да сұхбат алып, қасиетті түннің қадір қасиеті жайлы арнайы репортаж дайындады. Алдағы уақытта мешітте тарауық намазы оқылып, Құран хатым дұғасы жасалмақ. Сондай-ақ, уағыз-насихаттар айтылып, рухани кешке жиналған жамағатқа викториналық сұрақтар ұйымдастырылмақ.