Қарағанды облыстық "Әнет баба" мешітінде облыс бас имамы Өмірзақ қажы Қазкенұлының бастамасымен діни оңалту бөліміне қатысты кезекті жиын өтті. Жиынға аталмыш бөлімге жауапты аудан және қала имамдары қатысты. Дөңгелек үстел барысында діни оңалту жұмыстарына қатысты әртүрлі мәселелер мен жоспарлар құрылды. Айта кетейік, қазіргі уақытта Қарағанды облысында он түзету мекемесі бар.  Осы мекемелермен арнайы діни оңалту жұмыстарын жүргізіп, кездесулер ұйымдасыру талқыланды.  Сондай-ақ, аталмыш бөлімнің облыс бойынша жауапты өкілі, облыстық «Әнет баба» мешітінің  наиб имамы Асылхан Нұртайұлы жиынға қатысушыларға арнайы түсіндірме жұмыстарын жүргізіп, бірнеше жобалар мен жоспарларды талқыға салды. Жиынға Дін істері басқармасынан Садуов Ғалымжан және ҚАЖ департаменті САТжӘПЖБ инспекторы әділет капитаны Еркебұлан Өмірбекұлы қатысты.