Тілдік нұсқа
Радио

Фото

Сұрыптау бекетінде жаңа мешіт ашылды
20 тамыз, 2023 жыл 135 Басып шығару нұсқасы

   Қасиетті жұма күні Қарағанды облысына  қарасты Сұрыптау бекетінде жаңадан салынған  «Қамзе ата» мешіттің ашылу салтанаты өтті. 

Игі іс-шараға ҚМДБ Төрағасының орынбасары, наиб мүфти Сансызбай қажы Құрбанұы, ҚМДБ Діни сараптама бөлімінің меңгерушісі Нұрлан Ефратұлы  және ҚМДБ-ның Қарағанды облысы бойынша Бас имамы Естай Айтуғанұлы арнайы қатысты.

Сұрыптау бекетіне қажырлы еңбегі сіңген қоғам қайраткері Қазме Жарасұлының есімі берілген құлшылық ордасының ашылу рәсімінде Сансызбай қажы Құрбанұлы арнайы сөз алып: «Аллаға шүкір, Қарағанды облысында мешіттеріміздің қатары көбейіп келеді. Мешіт – мейірімділік мекені, руханияттың ортасы. Қоғамды ізгілікке шақырып, ибалы болуға үйрететін мектеп. Осы мешіттің бой көтеруіне атсалысқан, ұйытқы болған арда азаматтарға Алла разы болсын! Кәсіптеріне береке, отбасыларына амандық тілеймін» деді.

Өз кезегінде ҚМДБ-ның Қарағанды облысы бойынша Бас имамы  Естай Айтуғанұлы мешітті бастап салушы, құлшылық үйінің толықтай құрылыс жұмыстарына демеушілік етіп, игі істің басы -қасында жүрген Қанат Қамзеұлына ризашылығын білдіріп, Бас мүфтидің алғыс хатымен марапаттады. 

Сондай-ақ жаңа мешіттің ашылу салтанатында мемлекет және қоғам қайраткерлері, ақсақалдар сөз сөйлеп, бата берді.

Мешітке  ҚМДБ-ның Төрағасы, Бас мүфти Наурызбай қажы Тағанұлының  бұйрығымен Бауыржан Мейімбекұлы тағайындалды.  Облыс бас имамы бұған дейін Теміртау орталық «Әлихан Бөкейхан» мешітінде  қызмет еткен имамды жұма намазына жиналған жамағатқа таныстырып,  еңбегіне береке тіледі.

Айта кетейік, Сұрыптау бекетінде бой көтерген жаңа мешітте 1 500 адам еркін ғибадатын өтей алады. «Қамзе ата» мешітінде намаз залынан бөлек, дәрісхана, имамдар бөлмесі мен Құран оқу бөлмесі, ерлер және әйелдер дәретханасымен және асханасымен қамтылған.

ҚМДБ-ның Қарағанды облысы бойынша баспасөз қызметі

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары