Құс етін өндіру бойынша Қарағанды қаласында ТОО «Акнар ПФ» құс  фабрикасы  «ҚМДБ халал» стандарты бойынша сертификатталды.

Арнайы сертифакатты «Халал Даму» ЖШС-ның Қарағанды облысы бойынша жауапты меңгерушісі Амангелді Дәулеткелдіұлы табыстады.

Кәсіби технолог және шариғат мамандарының қатысуымен аталмыш кәсіпорында  бақылау-қадағалау шаралары жүргізілді. «Акнар ПФ» құс фабрикасында  құстың жем-азығынан бастап, бауыздау, құс етін өңдеу, өндіру, дайындау, сақтау, тасымалдау процесстерінің шариғат және халал стандартқа сәйкес болуы тексерілді.

Нәтижесінде «Акнар ПФ», «Прощу к столу» сауда белгісімен шығарылатын 25 түрлі өнім «Мал бауыздау және ет өңдеу», «Халал өнімдерді өндіруге, өңдеуге, дайындауға, сақтауға, тасымалдауға және сатуға қойылатын жалпы стандарты» бойынша сертификатталды.

ҚМДБ-ның Қарағанды облысы бойынша баспасөз қызметі