Қарағанды облыстық «Әнет баба» мешітінде  мұсылман қауымының ұлық мерекелерінің бірі – Ораза айт мейрамы аталып өтті. 

Таңғы сағат 07:00- де  айт намазы оқылып, ұлық мереке құлшылықпен бастау алды.

Ұлық мейрамда ҚМДБ-ның Қарағанды облысы бойынша бас имамы Естай Айтуғанұлы  жамағатты Ораза айт мерекесімен құттықтады. Айт мерекесінің қадір-қасиетін ашықтап, бүгінгі күнді берекелі, сауапты өткізуге шақырды. 

Жамағатқа айт құтпасы жеткізілді. Намаз соңында барша жамағат ел мен жердің амандығын тілесіп, дұға жасады.

Құлшылық орындалғаннан кейін ұлық мейрам ораза айттың құрметіне орай Қарағанды облыстық «Әнет баба» мешіті ауласында жамағатқа ыстық ас үлестрілді.

Барша жамағат бір сапта бой түзеп айт намазын оқығаннан кейін, берекелі мейрамның құрметіне орай әзірленген дастарханнан дәм алысып, қариялар бата берісті.

Қарағанды облысы бойынша баспасөз қызметі