Бұқар жырау аудандық "Жыржыс қажы" мешітінің имамы Акошев Рүстем Мұратұлы аудан әкімі Сұлтанғали Абылай Қайратқалиұлымен кездесті.  

Басқосуда  бірнеше жоспарлар талқыға салынды.Атап айтқанда, өңірдегі мешіт құрылыстары, құлшылық үйін құжаттандыру мәселесі, аймақ халқының діни ахуалы мен дін қызметкерлерінің әлеуметтік жағдайы қозғалды.
Сонымен қатар, Қазақстан мұсылмандары діни басқармасының игі бастамаларына әкімшілік тарапынан  қолдау білдіруге шақырды.

Жиында қос тарап ел келешегі мен өңірдегі діни тұрақтылық жолында бірқатар бірлескен игі жобаларды жүзеге асыруға уағдаласты. 

ҚМДБ-ның Қарағанды облысы бойынша баспасөз қызметі