Тілдік нұсқа
Радио

Фото

Қарағандыда Құрбан айтқа қатысты брифинг өтті
12 маусым, 2024 жыл 88 Басып шығару нұсқасы

 ҚМДБ Төрағасы, Бас мүфти Наурызбай қажы Тағанұлының бастамасымен бүгін Қарағанды облыстық «Әнет баба» мешітінде алда келе жатқан ұлық мейрам – Құрбан айтқа қатысты брифинг өтті. 

Брифингке ҚМДБ-ның Қарағанды облысы бойынша бас имамы Естай Айтуғанұлы, "Әнет баба" мешітінің ұстазы Данияр Ерікұлы және жергілікті БАҚ өкілдері қатысты.

Қазақстан мұсылмандары діни басқармасы биылғы құрбан айт күндері 16-17-18 маусымға тұспа-тұс келгенін айтқан болатын. Бүгінгі брифингте бас имам Естай Айтуғанұлы  16- маусым Қарағанды облыстық «Әнет баба» мешітінде таңғы сағат 6:00-де айт намазы оқылатынын айтты. Сонымен қатар, арнайы құрбан шалуға қаладан 3 орын бекітілгенін жеткізді.  Өткен жылдардағы тәжірибеге сай құрбан шалу рәсімі көпшіліктің сұранысына орай, онлайн түрде «qurban2024.kz» сайты арқылы да жүзеге асатынын  жеткізді.

Сондай-ақ, бас имам құрбан айт мерекесіне орай мешіттерде өткізілетін іс-шаралар бағдарламасымен таныстырды.

Брифинг барысында құрбан айтқа қатысты сұрақтарға  жауап беріліп, қала тұрғындарын құрбандық шалынатын орындардағы тазалыққа аса мән беруге шақырды.

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары