ҚМДБ-ның Төрағасы, Бас мүфти Наурызбай қажы Тағанұлының бастамасымен қабылданған жеті құжат бойынша  «Әл-Машани» мешітінде  имамдарымен және мешіт қызметкерлерімен жиналыс өтті. Жергілікті дін қызметкерлері бас қосқан дөңгелек үстел барысында бірқатар тапсырмалар беріліп, алдағы уақытта атқарылатын жұмыстар талқыланды. Жаңа жылға тың жобалар мен жоспарлар бекітілді. Діни басқарма тарапынан белгіленген әр бағыт жеке-жеке талқыға салынды. Жиын барысында «Әл-Машани» мешітінің имамы Қошкелді Жанболат жеті бағыт ішіндегі ақпарат және қоғаммен байланыс, уағыз-насихат, қайырымдылық, оқу-ағарту, рухани тәрбие – Ихсан ілімі, дін мен дәстүр, жат діни ағымдармен жұмыс бойынша атқарылатын жұмыстарға ерекше басымдық беруі керек екендігін айтылды.