Саран қаласы мешітінде діни ахуал тұрақты
Бүгін ҚМДБ-ның Қарағанды облысы бойынша наиб имамы Құмар Қоныскерей және ҚМДБ-ның Қарағанды облысы бойынша «Діни оңалту» бөлімінің жауапты өкілі Асылхан Нұртайұлы бақылау – басқару жұмысы бойынша Қарағанды облысына қарасты, Саран қаласы мешітінде болып, арнайы өткен жиынға қатысты. Мешіт қызметкерлерімен кездесу барысында ҚМДБ-ның тарапанын қабылданған «Жеті бағыт құжаты» талқыланды. Сондай – ақ, «Діни оңалту» жұмыстары бойынша өңірдің қазіргі ахуалынан хабар алды. Жиынға «Саран қалалық әкімдігінің жанындағы жат ағымның алдын алу бөлімінің» жауапты жетекшісі Тлекбаев Серiк Куатулы аталмыш бөлім бойынша бірнеше мәселелерді талқылап, сұрақтарға жауап берді. Сонымен қатар, жиын соңында дін қызметкерлерінің этикасы мен әдебіне, жүріс – тұрмысы мен киім – кию әдебіне қатысты ережелер қозғалды.