Барша мұсылман қауымның асыға күтетін қасиетті Рамазан айының да ауылы алыс емес. Осынау, мың айдан да қайырлы мереке қарсаңында еліміздің барлық аймақтары  дайындық жұмыстарын қызу бастап кетті. Соның бірі қасиетті Қарқаралы ауданы.

«Тазалық – иманның жартысы». Еліміздің барлық аймағында ұйымдастырылып жатқан "Таза әлем" атты республикалық акция Қарқаралы ауданында жалғасты. «Алла Тағала таза, барынша таза құлдарын жақсы көреді» деген. Ислам діні тазалықты екіге бөліп қарастырады. Ол -  сыртқы тазалық және рухани тазалық. Осыған орай, ҚМДБ-ның Қарағанды облысына қарасты Қарақаралы ауданында тазалық жұмыстары жүргізліп, қасиетті рамазан айының қарсаңына орай әрлеу жұмыстары жүргізілді. "Құнанбай қажы" мешіті айналасы қардан тазартылып, келушілерге арнлған орындықтар сырланды. Рамазан айына дайындық жұмыстарын осылай бастаған Қарқаралы  ауданы алдағы уақытта берекелі ай қарсаңына орай игі жобаларды жүзеге асыруға кіріспек.