Қазақстан Республикасы Тәуелсіздігінің 30 жылдығына орай Теміртауда «Тәуелсіздік – тұғырым» атты алқалы жиын өткізілді.
Ақ дастарқан басында жүзеге асқан іс-шараның шымылдығы ел Тәуелсіздігінің жолында құрбан болған боздақтардың рухына бағышталған қасиетті Құран аяттарымен ашылды.
Теміртау қаласының «Әлихан Бөкейхан» атындағы орталық мешітінің және жергілікті ақсақалдар алқасы ұйымдастырған жиынға Теміртау қаласы әкімінің орынбасары Самат Саятұлы, Теміртау қаласының бас имамы Естай Айтуғанұлы, жергілікті ақсақалдар алқасының мүшелері арнайы қатысып, айтулы мерекеге байланысты жылы лебіздерін білдірді.
Самат Саятұлы Теміртау қаласының әкімі Қайрат Баяндыұлының ыстық сәлемін жеткізіп, бас имам Естай Айтуғанұлын алғыс хатпен марапаттады.
Өз кезегінде Естай Айтуғанұлы құлшылық үйлерінің ізгі бастамаларына атсалысып, қолдау білдіріп жүрген қазыналы ақсақалдарымыз бен ақ жаулықты асыл аналарымызға рахметін айтып, алғыс хаттар табыс етті.
Пікірлер