Әлихан Бөкейхан атындағы Теміртау орталық мешіті 2022 жылда атқарылуы тиіс шаралар мен бірқатар міндеттемелердің жоспарын талқылады. Теміртау қаласының Бас имамы Естай Айтуғанұлы мешіт қызметкерлеріне ҚМДБ төрағасы, Бас мүфти Наурызбай қажы Тағанұлының бастамасы негізінде қолға алынып жатқан біршама игі бастамалардың маңызын түсіндірді. Сондай-ақ, әр бағыт бойынша қызметкерлерге тапсырмалар жүктеді.⠀
⠀
«Биылғы жылды Қазақстан мұсылмандары діни басқармасы «Ислам - ынтымақ және бірлік діні» жылы деп жариялады. Осыған орай облысымыздың Бас имамы Өмірзақ қажы Бекқожа бірқатар тапсырмаларды берген болатын. Алдағы уақытта осы бағытта жұмысты жандандыруымыз қажет», - деді Естай Айтуғанұлы.