ҚМДБ-ның Қарағанды облысы бойынша бас имамы Әбдіғали Естай Айтуғанұлы Теміртау орталық «Әлихан Бөкейхан» мешітінің  жамағатымен жүздесіп, жұма намазын өткізді. ⠀

 «Бірінші байлық-денсаулық»,- тақырыбында уағыз айтқан Бас имам: «Алла Тағала бізге көрінетін де, көрінбейтін де сансыз нығметтерін молынан сыйлады. Сол ең ұлы нығметтердің бірі – денсаулық пен амандық, яғни өмірдің рахатын бұзатын түрлі аурулар мен қиындықтардан аман болу. Пайғамбарымыз (оған Алланың салауаты мен сәлемі болсын) бізге денсаулықты сақтау жолдарын үйретті: адал тамақтану, денені шынықтыру, зиянды әдеттерден аулақ болу, уақытында емделу – осы амалдар арқылы біз Алланың аманатын сақтап, өз өмірімізді мәнді ете аламыз»,-деді.

 Бас имам жұма намазынан кейін мешіт жамағатымен бірге ел мен жер үшін шейіт болған батырлар руһына Құран бағыштап, халқымыздың тыныштығы үшін дұға жасады. ⠀

⠀

ҚМДБ-ның Қарағанды облысы бойынша баспасөз  қызметі