Сәрепті ауылдық мешітінің имамы Сәйдоллаұлы Сәбидолла ауыл ішіндегі дүкендерде жат ағымға қатысты түсіндіру жұмыстарын жүргізді.

Ауыл халқы көп жиналатын сауда орындарында жат ағымдардың белгілері, олардың қоғамға тигізетін зияны және әлеуметтік желілердегі күмәнді діни ақпараттардан сақтану жөнінде жан-жақты түсіндіру жұмыстарын жүргізді.

Кездесу барысында дүкен иелері мен тұрғындарға діни сауаттылықты арттырудың маңызы, ақпаратты тек ресми дереккөздерден алу қажеттігі түсіндірілді. Сондай-ақ имам қоғамда тұрақтылық пен тыныштықты сақтау үшін әр азаматтың жауапкершілігі жоғары болуы керектігін атап өтті.