Теміртау  орталық «Әлихан Бөкейхан» мешітінің имамы Ақниет Сәлімбайұлы Теміртау қаласы Төтенше жағдайлар басқармасының №2 мамандандырылған өрт сөндіру бөлімінің  жеке құраммен кездесу өткізді.

Кездесу барысында  имам құмар ойындарының қоғамға және жеке адамға келтіретін зияны, деструктивті діни ағымдардың алдын алу тәсілдері, сондай-ақ рухани және жүрек дерттерінен аулақ болу мәселелері жөнінде мазмұнды түсіндіру жұмыстарын жүргізді.

Шараның мақсаты – қызметкерлердің діни сауаттылығын арттыру, діни экстремизмге қарсы иммунитет қалыптастыру және салауатты рухани ұстанымдарды нығайту болды.

Кездесу соңында қатысушылар өздерін қызықтырған сұрақтарын қойып, қажетті кеңестер алды.