Алаш арысы, ұлт ұстазы Міржақып Дулатұлының 140 жылдық мерейтойына орай Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен мешіт ұжымы саяси қуғын-сүргін құрбандарын еске алу мақсатында Долинка кентінде орналасқан «ҚарЛаг» музейіне барып, азаттық жолында жанын қиған боздақтардың тағдырымен танысты.

Зиярат кезінде қатысушыларға ХХ ғасырдағы репрессияның қасіретті тарихы, қазақ зиялылары бастан өткерген азапты жылдар туралы жан-жақты мәлімет берілді.

Шараның мақсаты – жас ұрпаққа тәуелсіздік бағасын түсіндіру, өткеннен тағылым алып, елдіктің қадірін ұғындыру.  Шара барысында  Алаш арыстарына Құран бағыштады.