ҚМДБ-ның жылдық жоспарына сәйкес Қарағанды облыстық «Әнет баба» мешітінде «Ажырасу – Алла сүймейтін іс» атты қыз-келіншектерге арналған тағылымды семинар ұйымдастырылды. 

«Ислам және отбасы құндылығы» жылы аясында өткен шараны ҚМДБ-ның Қарағанды облысы бойынша «Әйел-қыздар» секторының жетекшісі Әйгерім Берікболқызы ұйымдастырды. 

Семинардың негізгі мақсаты -  отбасылық құндылықтарды нығайту, ажырасудың алдын алу, қыз-келіншектерге діни әрі психологиялық бағытта дұрыс түсінік беру болды.

Жиынға  Қарағанды облыстық «Әнет баба» мешітінің наиб имамы Құмар Қоныскерей қатысып, отбасының Исламдағы орны, ерлі-зайыптылардың бір-біріне деген жауапкершілігі мен құрметі жөнінде уағыз-насихат жүргізді. 

Сонымен қатар, қатысушылар өздерін толғандырған сұрақтарын қойып, отбасы бірлігі мен татулығын сақтау бағытында рухани-танымдық ойларын ортаға салды. 

Құран оқылып, ата-баба рухына дұға жасалды.

ҚМДБ-ның Қарағанды облысы бойынша баспасөз қызметі