Қарағанды қалалық «Қазыбек би» мешітінде әйел-қыздар жамағатына арналған ақида мен фиқһ пәндерінен жүргізілетін дәрістер өз жалғасын табуда.

Дәріс барысында мешіт ұстаздары нәзік жандыларға иман негіздері мен күнделікті құлшылықтың талаптарын терең әрі түсінікті түрде жеткізіп, шариғат iлімдерінің мән-мағынасын кеңінен түсіндіруде.

Дәріс барысында қатысушылар өз көкейіндегі сұрақтарын қойып, пайдалы мағлұматтар алып, рухани білімдерін толықтыруда. Жамағаттың қызығушылығы мен ынтасы — білім жолының берекесін арттырып, сабақтардың мазмұнын байыта түсуде.