ҚМДБ Шариғат және пәтуа бөлімі маманы, РАНТ мүшесі Бауыржан Әбдуәлі Қарағанды қалалық «Қазыбек би» мешітінің жамағатымен жүздесіп, «Жастар және отан» тақырыбында тағылымды уағыз-насихат айтты.

Бауыржан Әбдуәлі өзінің әсерлі шешендігімен мұсылман өміріндегі әдеп пен парасат, қоғамдағы бірлік пен татулық, пенденің Жаратушы алдындағы жауапкершілігі секілді маңызды тақырыптарды кеңінен тарқатып, тыңдаушыларға ой салатын ғибратты мысалдар келтірді.

Сонымен қатар, қазіргі қоғамда әсіресе жастар арасында белең алып отырған жат ағымның алдын-алу үшін атқарылуы керек шараларды түсіндірді.

Уағыз барысында жамағат тарапынан қойылған сауалдар да назардан тыс қалмады. Қадірлі қонақ әрбір сұраққа дәлелді, түсінікті, шариғатқа негізделген жауап беріп, жамағаттың діни танымын арттыра түсті.

Жиналған қауым рухани қуат алып, шынайы ықыласпен тыңдап, сөз соңында алғыстарын білдірді. 

Мешіт ұжымы да Бауыржан Әбдуәліге арнайы ризашылық айтып, мұндай кездесулердің қоғамның рухани ынтымағын күшейтіп, жамағатты ізгілікке бастауда маңызы зор екенін атап өтті.