16 желтоқсан – Тәуелсіздік күніне орай және «Ислам және отбасы құндылығы» жылы аясында Қарағанды облысының балаларға арналған арнаулы әлеуметтік қызметтер көрсету орталығында и қайырымдылық шарасы ұйымдастырылды.
Маңызды мереке қарсаңында өткен шара барысында ерекше балаларға шаттық сыйлау мақсатында бүлдіршіндерге ойыншықтар мен жеміс-жидектер үлестірілді.
Қайырымдылық шарасына ҚМДБ-ның «Зекет және қайырымдылық» қорының Қарағанды облысы бойынша жауапты өкілі Асылхан Рахымжанұлы арнайы қатысып, балаларды Тәуелсіздік мерекесімен құттықтады.
Сонымен қатар ол мейірім мен жанашырлықтың, отбасы құндылықтары мен қоғамдағы өзара қолдаудың маңыздылығына тоқталып, бүлдіршіндерге ақжарма тілегін білдірді.
Айта кетейік, бұл игі шара демеуші азаматтардың қолдауымен жүзеге асып, қоғамдағы қайырымдылық пен ізгілікті арттыруға бағытталды.
ҚМДБ-ның Қарағанды облысы бойынша баспасөз қызметі
«Халал» сертификаты
Имамдарға қызметтік пәтер
Мешіт туралы
