Теміртау қаласына қарасты Ақтау кенті мешітінде 16 желтоқсан - Тәуелсіздік күніне орай қайырымдылық шарасы ұйымдастырылып, әлеуметтік жағдайы төмен, мұқтаж 10 отбасыға азық-түлік дорбалары таратылды.

Шараның негізгі мақсаты - Тәуелсіздік мерекесі қарсаңында халықтың әлеуметтік әлсіз топтарына қолдау көрсету, қоғамда мейірім мен өзара көмекті арттыру. 

Қайырымдылық шарасы мешіт жамағаты мен демеуші жандардың қолдауымен жүзеге асты.

Игі іс барысында елдің амандығы мен бірлігі үшін дұға жасалып, Тәуелсіздіктің қадір-қасиеті атап өтілді.