Қарағанды облысы Шет ауданына қарасты Ағадыр кенті «Иса молла» мешітінде 16 желтоқсан  - Тәуелсіздік күніне орай қайырымдылық шарасы ұйымдастырылды. 

Игі шара мешіт имамы Нұржан Оңғарұлының ұйымдастыруымен өтті.

Қайырымдылық акциясы аясында әлеуметтік жағдайы төмен, көмекке мұқтаж отбасыларға азық-түлік себеттері таратылды. 

Бұл бастаманың мақсаты -Тәуелсіздік мерекесі қарсаңында халықтың әлеуметтік осал топтарына қолдау көрсету, қоғамда мейірім мен бауырмалдықты нығайту.

Шара барысында елдің тыныштығы мен бірлігі, мемлекеттің тұрақтылығы үшін дұға жасалды.