Қарағанды қалалық «Төлеутай ата» мешітінің имамы Рауан Төлеубекұлы әскери бөлімде болып, сарбаздармен «Жастар және Отан» тақырыбында рухани-танымдық кездесу өткізді.

Кездесу барысында имам жастарға Отанға деген сүйіспеншілік, елге адал қызмет ету, жауапкершілік пен тәртіптің маңызы жайында тағылымды насихат айтты. 

Сондай-ақ әскери борышты өтеудің қоғам мен мемлекет алдындағы жауапты міндет екеніне кеңінен тоқталды.

Іс-шара барысында сарбаздар тарапынан қойылған сұрақтарға имам тұшымды жауап беріп, рухани құндылықтарды сақтаудың маңызын атап өтті. Кездесу сарбаздарға рухани серпін беріп, отансүйгіштік рухты нығайтуға ықпал етті.