Қарағанды қалалық «Төлеутай ата» мешітінің имамы Рауан Төлеубекұлы Приозерск қалалық мешітінде болып, жамағатпен «Дін мен дәстүрдің құндылығы» тақырыбында рухани-танымдық кездесу өткізді.

Кездесу барысында имам қазақ халқының салт-дәстүрі мен ислам дінінің өзара сабақтастығы, ұлттық құндылықтарды сақтаудың маңызы жайында тағылымды насихат айтты. 

Сондай-ақ жамағат тарапынан қойылған сұрақтарға жауап беріп, қоғамдағы бірлік пен ынтымақты нығайтудың маңызын атап өтті.