Абай ауданына қарасты Қарабас кенті мешітінің имамы Шарифулла Шадиевтің ұйымдастыруымен әлеуметтік көмекке мұқтаж төрт отбасыға азық-түлік үлестірілді.

Қайырымдылық шарасының мақсаты – тұрмысы төмен, көпбалалы және қолдауға мұқтаж отбасыларға қол ұшын созу, қоғамда мейірімділік пен жанашырлық құндылықтарын насихаттау. 

Шара барысында қажетті азық-түлік өнімдері отбасыларға таратылды.

Аталған игі іс жамағаттың қолдауымен жүзеге асып, мұқтаж жандарға рухани әрі материалдық демеу болды.