Қарағанды қалалық «Әл Машани» мешітінің ұстазы Бақытгүл Айтқалиқызының ұйымдастыруымен мешіт шәкірттеріне «Жамағатпен бір болудың артықшылығы» тақырыбында уағыз-насихат айтылды.

Уағыз барысында ұстаз жамағатпен бірге болудың діндегі орны мен маңызын кеңінен түсіндіріп, бірлік пен ынтымақтың мұсылман қоғамындағы рөліне тоқталды. 

Сондай-ақ, жамағатпен оқылған құлшылықтың сауабы мол болатыны, бірлік бар жерде береке орнайтыны қасиетті Құран аяттары мен хадистер арқылы баяндалды.

Кездесу соңында жамағат көкейдегі сұрақтарын қойып, рухани тағылымы мол насихаттан үлкен әсер алғандарын жеткізді.