Абай аудандық орталық мешітінің кіреберіс дәлізіне жамағаттың қолайлылығы үшін зауиауи үлгідегі аспа шамдар орнатылды.

Аталған игі іс Абай аудандық орталық мешітінің имамы Асхат Қанайұлының ұйымдастыруымен жүзеге асырылды.

Жаңадан орнатылған аспа шамдар мешіт ішінің көркемдік келбетін арттырып қана қоймай, жамағаттың мешітке кіріп-шығу барысында ыңғайлы әрі қауіпсіз қозғалуына мүмкіндік береді. 

Сонымен қатар дәліздің жарықтандырылуы мешіттің сәулеттік ерекшелігін айқындай түсіп, рухани ортаға үйлесімді сән беріп отыр.

Мешіт аумағында жүргізіліп жатқан мұндай абаттандыру жұмыстары жамағатқа қолайлы жағдай жасауға бағытталған. 

Алдағы уақытта да мешіттің ішкі және сыртқы инфрақұрылымын жақсарту мақсатындағы жұмыстар кезең-кезеңімен жалғасын таба бермек.