Қарағанды қалалық «Әл Машани» мешітінде «Дін мен дәстүр» бағыты аясында «Дәстүр және отбасы» тақырыбында тәрбиелік іс-шара ұйымдастырылды.

Шараға мешіттің ақ жаулықты әжелері қатысып, қыз-келіншектерге отбасы құндылықтары, дәстүріміздің маңызы, әрбір адам үшін отбасының рөлі туралы насихат айтты.

Қатысушылар әжелердің ақыл-кеңесі мен өнегелі әңгімелерінен үлгі алып, отбасылық өмірдегі сыйластық пен мейірімділіктің маңызды екенін ұғынды.