Қарағанды қалалық «Әл Ғаффар» мешітінің ұстазы Бақыт Амантайқызының ұйымдастыруымен  «Дін мен дәстүр» сабақтастығы аясында ұлттық спорт түрлерін дәріптеу және ұжым арасындағы бірлікті нығайту мақсатында ұстаздар арасында садақ атудан сайыс ұйымдастырылды.

Сайысқа әріптестер белсенді қатысып, өздерінің мергендік қабілеттерін, сабырлылық пен дәлдік қасиеттерін көрсете білді. Жарыс жоғары деңгейде өтіп, қатысушылар бір-біріне қолдау білдіріп, достық әрі жағымды атмосфера қалыптасты.

Садақ ату – тек спорт қана емес, сонымен қатар төзімділікке, зейінге және өзін-өзі басқаруға үйрететін өнер. Бұл сайыс ұстаздар үшін күнделікті жұмыстан сергіп, рухани және физикалық демалыс алуға үлкен мүмкіндік болды.

Сайыс қорытындысы бойынша үздік нәтиже көрсеткен қатысушылар марапатталып, барша қатысушыларға алғыс білдірілді. Осындай іс-шаралар алдағы уақытта да өз жалғасын табады деген сенім мол.һһ