Қарағанды қалалық «Төлеутай ата» мешітінің дін қызметкерлері қоғамға пайдалы игі істері мен қайырымдылық шараларын жүйелі түрде жүзеге асырып келе жатқан еңбектері үшін ҚМДБ-ның «Зекет және қайырымдылық» қорының директоры Мақсатбек Мақсотұлының арнайы алғыс хатымен марапатталды.

Аталған мешіт Әлихан Бөкейхан ауданында орналасқан жетімдер үйі мен қарттар үйіне тұрақты түрде зиярат жасап, әлеуметтік мекемелерде түрлі қайырымдылық шараларын ұйымдастырып келеді. Сонымен қатар, зағип жандарға арналған орталықта Брайль қарпімен Құран оқуды үйрету курстарын тұрақты түрде өткізіп жүр.

Осы игі бастамаларға жоғары баға берген ҚМДБ-ның «Зекет және қайырымдылық» қорының директоры Мақсатбек Мақсотұлы мешіт ұжымына өз алғысын білдіріп, алдағы қызметтеріне сәттілік тіледі.