Қарағанды қалалық «Төлеутай ата» мешітінде оқу-ағарту бағыты аясында зағип және көру қабілеті төмен жандарға арналған Брайль қарпімен Құран дәрістері тұрақты түрде жүргізіліп келеді.

Аталған дәрістерді мешіттің наиб имамы Дархан Түменбай жүргізіп, қатысушыларға Құран әліппесін меңгеру, аяттарды дұрыс оқу және мағыналарын түсіндіру бағытында жүйелі сабақтар өтуде.

Бұл игі бастама ерекше қажеттілігі бар жандардың діни білім алуына мүмкіндік беріп, олардың рухани дамуына, қоғамға бейімделуіне және діни сауаттылығын арттыруға бағытталған. Сабақтар жамағат тарапынан үлкен ықыласқа ие болып, тұрақты түрде жалғасын табуда.