Шет аудандық «Жанқұтты би» мешітінің имамы Берік Алпысбайұлы 1 - қазан қарттар күніне орай 92 жасқа толған Социял ақсақалдың шаңырағына арнайы барып, қарияны мерейлі жасымен құттықтады.

Ізгі жүздесу барысында мешіт имамы ақсақалға өзінің жүрекжарды құттықтауын жеткізіп, елге еткен еңбегіне, кейінгі ұрпаққа көрсетіп жүрген өнегесіне алғысын білдірді.

Қарияға құрмет белгісі ретінде иығына шапан жауып, кілем тарту етіп, арнайы Алғыс хат табыстады. Бұл – үлкенге құрмет көрсетіп, ақсақалдардың батасы мен өмірлік тәжірибесін қадірлеудің жарқын үлгісі.

Өз кезегінде Сопы ақсақал мешіт имамына және ізгі ниетпен келген жамағатқа ризашылығын білдіріп, ақ батасын берді.