1 қазан – Халықаралық қарттар күніне орай Қарағанды қалалық «Төлеутай ата» мешітінің ұжымы Әлихан Бөкейхан ауданындағы қарттар үйін арнайы зиярат етті.

Игі шара барысында мешіт наиб имамы Дархан Түменбай ақ жаулықты аналар мен ардақты ақсақалдарды мерекелерімен құттықтап, ізгі тілектерін жеткізді. Сонымен қатар, қарияларға жеміс-жидек себеттері сыйға тартылды.

Қарияларға құрмет көрсету – үлкенге ізет, кішіге өнеге болатын игі дәстүр. Осындай шаралар арқылы аға буынға деген құрмет пен қамқорлықтың маңызы насихатталды.