1 қазан – Халықаралық қарттар күніне орай Қарағанды қалалық «Ар-Рахман» мешітінің ұжымы Қазыбек би ауданындағы қарттар үйін арнайы зиярат етті.

Зиярат барысында мешіт ұжымы қариялармен жүздесіп, ізгі тілектерін білдіріп, сый-сияпаттарын табыстады. Кездесу барысында үлкендерге құрмет көрсету, оларға қамқорлық таныту және мейірімділік құндылықтарын дәріптеу мақсат етілді.

Қарияларымызға құрмет көрсету – халқымыздың ежелден қалыптасқан игі дәстүрі. Жүздесуде ақсақалдар мен әжелер ақ баталарын беріп, өздерінің жылы лебіздерін жеткізді.

Алла Тағала барша қарияларымызға денсаулық, ұзақ ғұмыр және берекелі өмір нәсіп етсін!