Абай аудандық мешітінде жамағаттың Құран Кәрімді дұрыс оқып, оның мазмұнын тереңірек түсінуіне мүмкіндік беру мақсатында «Құран оқуды үйрену» және тәжуид дәрістері тұрақты түрде өткізіліп келеді.

Дәрістер барысында шәкірттерге Құран әліппесі, әріптердің дұрыс айтылуы, дыбыстардың шығу ерекшеліктері және тәжуид ережелері кезең-кезеңімен түсіндірілуде. Сонымен қатар қатысушылар ұстаздың көмегімен Құран сүрелері мен аяттарын дұрыс оқуды тәжірибе жүзінде меңгеріп келеді.

Сабақтарға мешіт жамағатының әртүрлі жастағы өкілдері қатысып, қасиетті Құранды сауатты әрі дұрыс оқуға ынта танытуда. Ұстаздар әр шәкірттің деңгейіне қарай жеке көңіл бөліп, қателерін түзету арқылы оқу машығын жетілдіруге ықпал етуде.