Шет ауданына қарасты «Жанқұтты би» мешітінде жастардың діни сауаттылығын арттыру және түрлі жат ағымдардың ықпалына түсудің алдын алу мақсатында «Жат ағым жарға жығады» тақырыбында уағыз-насихат айтылды.

Іс-шараны мешіт имамы Берік Алпысбайұлы ұйымдастырып, жастарға дін мәселесінде дұрыс бағыт-бағдар ұстанудың маңыздылығын түсіндірді. Сондай-ақ дәстүрлі ислам құндылықтарын сақтау, діни ақпаратты сенімді дереккөздерден алу және күмәнді діни ағымдардан аулақ болу жөнінде насихат айтылды.

Кездесу барысында жастар тарапынан қойылған сұрақтарға жауап беріліп, тағылымды пікірлер айтылды.